ایک نیوز: حسن ابدال سے جہاں گذشتہ رات نیو سٹی فیز ٹو کے ایچ بلاک مارکیٹ میں دوکاندار کی فائرنگ سے زخمی ہونے والے بچے کا ویڈیو بیان سامنے آگیا،بچے کے بیان کی ویڈیو ایک نیوز نے حاصل کر لی ہے،فائرنگ کے اس واقعہ میں اسسٹنٹ کمشنر ریوینیو مظفرآباد کشمیر سردار تسلیم کا اکلوتا بیٹا سردار عبدالمعیز جاں بحق ہو گیا تھا۔
تفصیلات کے مطابق نیو سٹی فیز ٹو کی مارکیٹ میں دوکاندار کی فائرنگ سے زخمی بچے سردار شائخ کے ویڈیو بیان کے مطابق دوکاندار نے ایزی پیسہ کے ذریعے پیسے بھجوانے کے بعد پیسوں کی کٹوتی پر جھگڑا کیا،دوکاندار نے ہمیں گالیاں دیں،میرے پاپا نے اسے گالیاں دینے سے منع کیا تو دوکاندار نے طیش میں آ کر پسٹل نکال کر ہم پر فائرنگ شروع کر دی۔
بچے نے مزید بتایا کہ دوکاندار نے میرے اور کزن عبدالمعیز پر فائرنگ کرنے کے بعد پسٹل کی پوری میگزین میرے پاپا پر خالی کر دی۔فائرنگ کے اس واقعہ میں جاں بحق ہونیوالا 15 سالہ سردار عبدالمعیز اسسٹنٹ کمشنر ریوینیو مظفرآباد سردار تسلیم کا اکلوتا بیٹا تھا۔
دوسری جانب تھانہ صدر حسن ابدال میں 2 نامزد ملزمان کیخلاف مقدمہ درج کرلیا ہے۔