شہباز گل کو انتہائی تشویشناک حالت میں پمز ہسپتال منتقل کردیا گیا

شہباز گل ،انتہائی تشویشناک حالت ،پمز ہسپتال ،منتقل
کیپشن: شہباز گل کی حالت انتہائی تشویشناک، ہستپال منتقل۔

ایک نیوز نیوز: پاکستان تحریک انصاف کے چیئرمین اور سابق وزیراعظم عمران خان کے چیف آف سٹاف شہباز گل کو اڈیالہ جیل سے اسلام آباد پولیس نے حراست میں لے لیا ہے۔ جس کے بعد انہیں تشویشناک حالت میں پمز ہسپتال منتقل کردیا گیا ہے۔ اس موقع پر پمز ہسپتال میں سیکیورٹی ہائی الرٹ کردی گئی ہے۔ 

شہباز گل کے ابتدائی میڈیکل ٹیسٹ کردیے گئے ہیں۔ ان کا معائنہ 5 رکنی ڈاکٹرز کی ٹیم نے کیا۔ شہباز گل کو بخار، کمر میں درد کی شکایت ہے، جس کے پیش نظر ان کا کورونا ٹیسٹ بھی کرنے کا فیصلہ کیا گیا ہے۔ 

اس موقع پر ہسپتال کے باہر پی ٹی آئی قیادت اور کارکنوں کی بڑی تعداد جمع ہوگئی۔ جنہوں نے وفاقی حکومت کے خلاف شدید نعرے بازی کی اور شہباز گل کی رہائی کا مطالبہ کیا۔

اس سے قبل آج سارا دن پنجاب حکومت اور اسلام آباد پولیس کے درمیان شہباز گل کی حراست کو لیکر ڈرامائی صورتحال چلتی رہی۔ اس دوران پنجاب پولیس اور اسلام آباد پولیس میں تکرار بھی دیکھنے میں آئی۔ جس کے بعد وزارت داخلہ نے اڈیالہ جیل رینجرز کو طلب کرلیا۔ رینجرز کی طلبی کے بعد اڈیالہ جیل حکام نے شہباز گل کو اسلام آباد پولیس کے حوالے کردیا۔ بتایا گیا ہے کہ شہباز گل کو سانس لینے میں دشواری کا سامنا ہے۔ 

شیئر کریں: