ایک نیوز نیوز: وزیر داخلہ پنجاب ہاشم ڈوگر نے اپنے بیان سے یوٹرن لیتے ہوئے کہا پی ٹی آئی رہنما شہباز گل کی جان کو خطرہ ہے اور حکومت کوشش کر رہی ہے کہ شہباز گل کا جوڈیشل ریماند کینسل ہوجائے اور انہیں دوبارہ اسلام آباد پولیس کے حوالے کردیا جائے۔
تفصیلات کے مطابق صوبائی وزیر داخلہ ہاشم ڈوگر نے اپنے بیان سے یوٹرن لیتے ہوئے اپنے ٹوئٹر پیغام میں کہا میں بہت صفائی سے یہ کہنا چاہتا ہوں کہ شہباز گل کو اسلام آباد پولیس کی تحویل میں شدید تشدد کا نشان بنایا گیا ہے۔ ابھی کوشش کی جا رہی ہے کہ ان کا جوڈیشل ریمانڈ کینسل ہو اور وہ دوبارہ اسلام آباد پولیس کی تحویل میں دیا جائے۔ شہباز گل کی جان کو خطرہ ہے۔
ہاشم ڈوگر نے کہا بدھ کے روز شہباز گل کے جوڈیشل ریمانڈ کے خلاف ہئیرنگ ہے۔ اگر ریمانڈ ختم کر کے ان کو اسلام آباد پولیس کے حوالے کیا تو خدشہ ہے کہ پھر ان سے برا سلوک کیا جائے گا۔
ہاشم ڈوگر نے مزید کہا کہ ایک مہینہ گزر گیا پنجاب میں پی ٹی آئی کی حکومت میں آئے ہوئے مگر کسی ایک بھی شخص نے 25 مئی کو قانون کو اپنے ہاتھ میں لینے والوں کیخلاف ایف آئی آر پورے پنجاب میں نہیں کروائی۔ اگر کل دو بجے تک کاروائی نہ ہوئی تو میں ذاتی طور پہ پوچھوں گا۔