ایک نیوز :اسلام آباد ہا ئیکورٹ نے چودھر ی پرویز الٰہی کو بغیر اجازت دوسری جگہ منتقل کرنے سے روک دیا ۔
تفصیلات کےمطابق اسلام آباد ہائیکورٹ نے پرویز الٰہی کی پمز اسپتال سے جیل منتقلی کیخلاف دائر درخواست پر سماعت کی ، اہلیہ قیصرہ الٰہی کی درخواست کی اسلام آباد ہائیکورٹ کے جسٹس ارباب محمد طاہر نے سماعت کی ،عدالت نے پرویز الٰہی کو اسپتال یا اڈیالہ جیل سے کہیں بھی دوسری جگہ بغیر اجازت منتقل کرنے سے روک دیا ،اسلام آباد ہائیکورٹ نے پرویز الٰہی کا باقاعدہ علاج جاری رکھنے کا حکم دیدیا ،عدالت نے سپریٹنڈنٹ اڈیالہ جیل سے 19 اپریل تک تفصیلی رپورٹ طلب کرلی ۔عدالت نے حکم دیا کہ ای ڈی پمز بھی آئندہ سماعت پر عدالتی معاونت کیلئے افسر کو نامزد کریں۔