ایک نیوز:وزیراعلیٰ پنجاب سیّد محسن نقوی کے مشیر برائے کھیل اور قومی ٹیم کے فاسٹ باؤلر وہاب ریاض کے ہاں ننھے مہمان کی آمد ہوئی ہے۔
ALLAH has blessed me with a baby boy, Alhamdullilah. Once again Sikandar is back in my life . Sikandar has and will always be a part of me since I started. Love u Abbu missing u the most ❤️✨ pic.twitter.com/vo6tUFKFo1
— Wahab Riaz (@WahabViki) April 17, 2023
سماجی رابطے کی ویب سائٹ ٹویٹر پر اپنے ایک بیان میں مشیر برائے کھیل نے لکھا کہ الحمدللہ اللہ تعالیٰ نے مجھے بیٹے سے نوازا ہے۔
اپنے والد کو خراج تحسین پیش کرتے ہوئے انہوں نے لکھا کہ میری زندگی میں سکندر کی واپسی ہوئی ہے، جب سے میں پیدا ہوا ہوں سکندر میری زندگی کا حصہ رہا ہے اور رہے گا۔
وہاب ریاض نے مزید لکھا کہ ابو جی میں آپ سے بہت پیار اور آپ کو بہت یاد کرتا ہوں۔
قومی ٹیم کے فاسٹ باؤلر اور ان کی اہلیہ زینب کے ہاں یہ تیسرے بچے کی ولادت ہوتی ہے، اس سے قبل ان کے ہاں دو بیٹیاں تھیں جن کے نام ایشل اور حورین سکندر ہے۔
بیٹے کی ولادت کے بعد قومی ٹیم کے کرکٹرز اور دیگر کی جانب سے وہاب ریاض کو مبارکبادیں ملنے کا سلسلہ شروع ہو گیا ہے۔