ایک نیوز: پاکستانی معروف سینئر فنکارہ بشریٰ انصاری نے کہا ہے کہ شوبز شخصیات بھی عام افراد کی طرح روزے رکھتی اور نماز پڑھتی ہیں۔
گزشتہ دنوں بشریٰ انصاری نے اپنے سوشل میڈیا پلیٹ فارم انسٹاگرام پر اپنے پوتے پوتیوں کے ہمراہ سیر سپاٹوں کی تصاویر شیئر کی تھیں، جس پر بعض صارفین نے کمنٹس کیئے کہ انہوں نے رمضان کا احترام نہیں کیا یا وہ رمضان میں روزے نہیں رکھتیں، بعض نے انہیں غیر مذہبی قرار دیا۔
اداکارہ بشری انصاری کاکہنا تھا کہ ہمارے نوجوان فنکار نہ صرف روزے اور نماز کی پابندی کرتے ہیں بلکہ اس کے ساتھ وہ روزمرہ کے دیگر معاملات بھی بخوبی انجام دیتے ہیں۔ رمضان میں 90 فیصد عملہ روزے رکھتا ہے اور معمول سے زیادہ محنت کرتا ہے، پروڈکشن ہاؤس بھی اس میں ساتھ دیتے ہیں اور سیٹ پر ہی سحر و افطار کا اہتمام کیا جاتا ہے اور ہم کام کے ساتھ ساتھ مذہبی فرائض بھی انجام دیتے ہیں۔