ورچوئل کانفرنس سے خطاب کرتے ہوئے باؤلنگ کوچ وقاروقار یونس کا کہنا تھا کہ مصباح الحق اور میرا رول الگ الگ ہے، نسیم شاہ کے کم بیک کا مجھے بھی انتظار ہے۔انہوں نے کہا کہ حارث رؤف میچ ونر باؤلر ہے، سارے باؤلرز اچھی باؤلنگ کررہے ہیں، حارث رؤف میں مجھے کوئی بھی خامی نظر نہیں آئی۔
وقار یونس کا کہنا تھا کہ ٹی ٹوئنٹی کرکٹ میں باؤلرز کو اسکور پڑتا ہے، محمد حفیظ کی باؤلنگ سے ہمارا لائن اپ مضبوط ہوگا۔ان کا کہنا تھا کہ نسیم شاہ اپنی انجری سے ریکور ہورہے ہیں، نیشنل ہائی پرفارمنس سینٹر کے کوچز کی زیر نگرانی ان کی ٹریننگ جاری ہے۔
خیال رہے کہ گزشتہ روز چوتھے ٹی ٹوئنٹی میچ میں پاکستان نے جنوبی افریقا کو دلچسپ مقابلے کے بعد تین وکٹوں سے شکست دے دی تھی۔اس جیت کے ساتھ پاکستان نے چار میچوں پر مشتمل ٹی ٹوئنٹی سیریز بھی تین ایک سے جیت لی تھی۔