ویب ڈیسک: پاکستان تحریک انصاف (پی ٹی آئی) کے رہنما زین قریشی نے کہا ہے کہ میں پارٹی کے عہدے سے مستعفی ہوا ہوں، پارٹی نے مجھے شوکاز نوٹس جاری کیا اس کا جواب بھی دیا ہے۔
تفصیلات کےمطابق راولپنڈی میں میڈیا سے گفتگو کرتے ہوئے زین قریشی کہا کہ میرا معاملہ پارٹی کے سامنے ہے، میں اچھے کی اُمید رکھتا ہوں،پی ٹی آئی کے رہنما نے کہا کہ میں نے گزشتہ روز کے پی میں بلائے گئے اجلاس میں شرکت کی تھی، پارٹی کے لوگوں سے ملاقات ہوئی تمام چیزوں پر بات ہوئی ہے،ان کا کہنا ہے کہ ہم تحریک انصاف کے ساتھ کھڑے ہیں اور کھڑے رہیں گے،انہوں نے یہ بھی کہا کہ واحد ممبر ہوں جس کو قومی اسمبلی سے گرفتار کیا گیا، میرا پورا خاندان مشکلات سے گزرا ہے۔