چیمپئنز ٹرافی کے ٹور کا آج سے آغاز 

ایک نیوز:آئی سی سی چیمپئنز ٹرافی کے ٹور کا آج سے آغاز ہو گا،ٹرافی ٹورآج 16نومبر سے 24نومبر تک جاری رہے گا۔
 اسلام آباد میں ٹرافی ٹور 16نومبر کو مختلف سکولوں اور کالجوں میں ہو گا، فیصل مسجد ،دامن کوہ اور پاکستان مونومنٹ پر بھی ٹرافی کی نمائش کی جائے گی، چیمپئنز ٹرافی 17نومبرکو اسلام آباد سےسکردو روانہ کی جائے گی، ٹرافی کی 18نومبرکو سکردو کے مختلف مقامات پر نمائش کی جائے گی۔
 موسم کی صورتحال دیکھتے ہوئے ٹرافی کو دنیا کی دوسری بلند چوٹی کے ٹو پر لے جایا جائے گا ،مری کے سکولوں اور کالجز میں 19نومبر کو ٹرافی کی نمائش کی جائے گی ، چیمپئنز ٹرافی کی نتھیا گلی میں 20 نومبرکو نمائش کی جائے گی، چیمپئنز ٹرافی کا22سے 25نومبرتک کراچی کا ٹور ہوگا ۔
چیمپئنز ٹرافی 25نومبر کو واپس اسلام آباد لائی جائے گی،26سے 28نومبرتک افغانستان میں ٹرافی ٹور ہوگا۔