اے این ایف کی کارروائیاں جاری،9ملزمان گرفتار،68کلومنشیات برآمد

ایک نیوز: اے این ایف کا تعلیمی اداروں اور ملک کے مختلف شہروں میں منشیات سمگلنگ کے خلاف کریک ڈاؤن جاری ہے۔
8کاروائیوں میں9ملزمان گرفتار جبکہ کاروائیوں میں 78 لاکھ روپے سے زائد مالیت کی 68 کلو گرام منشیات برآمدہوئی، تعلیمی اداروں میں کارروائیاں سرگودھا میں یونیورسٹی کے قریب موٹرسائیکل سوار ملزم سے 1 کلو 600 گرام چرس برآمد ہوئی، گرفتار ملزم نے تعلیمی اداروں کے طلباء کو منشیات فروخت کرنے کا اعتراف کیا ہے۔
  اے این ایف کی دیگر کارروائیاں، پشاور میں رنگ روڈ پر کار کے خفیہ خانوں سے 10 کلو 800 گرام افیون اور 6 کلوگرام چرس برآمد، 2 ملزمان گرفتار، پشاور میں کوریئر آفس میں 4 عدد پارسلز سے مجموعی طور پر 12 کلوگرام چرس برآمد، قبضے میں لئے گئے پارسلز سیالکوٹ، لاہور اور گوجرانولہ بھیجے جا رہے تھے۔ 
ٹھوکر نیاز بیگ لاہور کے قریب گاڑی میں موجود4ملزمان کے بیگوں اور ذاتی قبضے سے9کلو 600 گرام چرس اور 2 کلو 400 گرام افیون برآمدہوئی، جوہر ٹاؤن لاہور میں کوریئر آفس کے ذریعے بحرین بھیجے جانے والے پارسل سے 184 گرام آئس برآمد ہوئی۔
 فیصل آباد میں گاڑی سے 24 کلوگرام چرس برآمد،1ملزم گرفتار، کراچی میں واقع کوریئر آفس میں برطانیہ سے بھیجے گئے پارسل سے 50 عدد ایکسٹیسی گولیاں برآمدہوئی، ببرلو ٹول پلازہ سکھر کے قریب مسافر بس میں سوار ملزم سے 994 گرام آئس برآمد، گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔