ایک نیوز: ڈسٹرکٹ اینڈ سیشن کورٹس اسلام آباد نےچیئرمین پی ٹی آئی عمران خان کے پروڈکشن آرڈر جاری کرنے کی درخواست پر جواب کیلئے نوٹس جاری کرتے ہوئے کیس کی سماعت 9 دسمبر تک ملتوی کر دی۔
تفصیلا ت کے مطابق کیس کی سماعت جوڈیشل مجسٹریٹ احمد شہزاد گوندل نے کی۔چیئرمین پی ٹی آئی کے وکیل نعیم حیدر پنجوتھہ عدالت میں پیش ہوئے۔
وکیل نعیم حیدر پنجوتھہ نے موقف پیش کیا ہم چیئرمین پی ٹی آئی کو عدالت میں پروڈکشن آرڈر جاری کرنے کی درخواست دینا چاہتے ہیں۔
عدالت نے ریمارکس دئیے آپ پہلی مرتبہ یہاں پیش ہوئے،درخواست دے دیں ہم دیکھ لیتے ہیں۔
وکیل نعیم حیدر پنجوتھہ نے جواب دیا انہوں نے پھر بہانا بنا لینا ہے کہ سیکورٹی مسائل ہیں۔اسد عمرکی جانب سے حاضری استثنی درخواست دائر کی گئی ہے۔
عدالت نے اسد عمر کی حاضری سے استثنی درخواست منظور کرلی۔
عدالت نے چیئرمین پی ٹی آئی عمران خان کے پروڈکشن آرڈر جاری کرنے کی درخواست پر جواب کیلئے نوٹس جاری کرتے ہوئے کیس کی سماعت 9 دسمبر تک ملتوی کر دی۔