دنیاکاتاریخی اورخوبصورت ترین درخت کہاں پر؟

ویب ڈیسک: جنوبی کوریا کا وونجو بانگی ری گنکگو (Wonju Bangye-ri Ginkgo) نامی860 سال پرانا درخت ملک کی قومی علامت کے طور پر بھی پہچانا جاتا ہے جو اپنی شاندار خوبصورتی کیلئے مشہور ہے۔
تفصیلات کےمطابق دنیامیں بےشماردرخت اپنی پہچان رکھتےہیں مگرجنوبی کوریاکاایک درخت 860سال پراناہونےکےعلاوہ خوبصورت ترین بھی ہے۔
یہ درخت تقریباً17 میٹر کے دائرے پر محیط ہے اور تقریباً32 میٹر اونچا (104 فٹ) ہے۔ اگرچہ یہ ایشیائی ملک کا سب سے اونچا جگنکگو درخت نہیں ہے لیکن جس طرح سے اس کی شاخیں پھیلی ہوئی ہیں وہ اسے زمین پر سب سے زیادہ متاثر کن درختوں میں سے ایک بناتی ہیں۔ جنوبی کوریا میں اس درخت کو اکثر دنیا کا سب سے خوبصورت درخت بھی کہا جاتا ہے۔
ہر سال خزاں کے آخر میں ہزاروں لوگ اس860 سال پرانے درخت کی خوبصورتی کا مشاہدہ کرنے کے لیے خطے جیونگسینگ کے ایک گاؤں بانگی ری میں آتے ہیں۔
دلچسپ بات یہ ہے کہ جنوبی کوریا کا یہ خوبصورت درخت کورونا وبا کے دوران مقبولیت کی بلندیوں پر پہنچا اور وبا کے دوران کئی خاندانوں کا سماجی فاصلے برقرار رکھنے کیلئے یہ پسندیدہ پرکشش مقام کی حیثیت رکھتا تھا۔
ہانیانگ یونیورسٹی کے سکول آف ٹورزم کے پروفیسر لی ہون نے مقامی اخبار کو بتایا کہ وبا کے بعد سے جوڑے یا خاندانوں میں بیرونی مقامات کی سیر کرنا ایک رجحان بن گیا ہے۔