ایک نیوز نیوز: برطانیہ کے وزیر ماحولیات کو ایک 11 سالہ ماحولیاتی کارکن بچی کے سوالوں سے جان چھڑا کر بھاگنا پڑا ۔
غیرملکی میڈیا کے مطابق مصر کے شہر شرم الشیخ میں جاری کاپ 27 کانفرنس کے موقع پر زیک گولڈ اسمتھ کا سامنا ایک 11 سالہ موسمیاتی کارکن لیسیپریا کینگوجام سے ہوا تو ننھی بچی نے ان سے سوالات شروع کردیے۔
اس ملاقات کی ویڈیو لیسیپریا نے ٹوئٹر پر پوسٹ کی ہے جس میں انہوں نے تفصیل بتاتے ہوئے لکھا ہے کہ میں نے زیک گولڈ اسمتھ سے پوچھا کہ آپ جیلوں میں بند موسمیاتی کارکنوں کو کب رہا کریں گے، جنہیں حکومت نے تیل اور گیس کے نئے لائسنس کے اجراء کے خلاف احتجاج پر گرفتار کیا تھا؟
Dear @Reuters @ReutersWitness ,
— Licypriya Kangujam (@LicypriyaK) November 16, 2022
She has a name called Licypriya Kangujam, not tween activist.
In your youtube video uploaded in @Reuters, you even don't mention my single name. ???? https://t.co/NVXgzWc6Hx
جس پر زیک گولڈ اسمتھ نے جواب دیا نو آئیڈیا اور اپنی جان چھڑا کر بھاگنے لگے، جس پر لیسیپریا نے انکا پیچھا کیا اور سوالات کرتی رہیں۔ بحث کے دوران ایک خاتون سرکاری اہلکار نے لڑکی کو روکنے کی کوشش بھی کی۔
ٹوئٹر پر شیئر ویڈیو میں گفتگو کی آواز ٹھیک سنائی نہیں دے رہی لیکن ننھی ماحولیاتی کارکن کا کہنا ہے کہ زیک گوڈ اسمتھ نے جاتے جاتے کہا؛ میں اس سلسلے میں کچھ نہیں کر سکتا۔
اس پر لیسیپریا نے کہا: ’اگر وہ کچھ نہیں کر سکتے تو پھر وزیر کیوں ہیں اور کوپ 27 میں کیوں آئے ہیں؟