ویب ڈیسک:آئی سی سی مینز ٹی 20 ورلڈ کپ کے 36ویں میچ میں پاکستان نےآئر لینڈ کیخلاف ٹاس جیت کر فیلڈنگ کا فیصلہ کیا ہے۔
لارڈ ہل کرکٹ سٹیڈیم میں دونوں ٹیمیں ساڑھے 7 بجے میدان میں اتریں گی۔
ٹاس کے موقع پر گفتگو کرتے ہوئے قومی ٹیم کے کپتان بابراعظم کا کہنا تھا کہ پچ میں نمی کی وجہ سے حریف ٹیم کو بیٹنگ کی دعوت دی ہے، پاکستانی ٹیم میں ایک تبدیلی کی گئی ہے، نسیم شاہ کی جگہ عباس آفریدی کو ٹیم میں شامل کیا گیا ہے،آج کا میچ جیتےکی بھرپور کوشش کریں گے۔
آئرش کپتان کا کہنا تھا کہ ہم بھی ٹاس جیتتے تو پہلے فیلڈنگ ہی کرتے،کوشش کریں گے غلطیاں نہ دہرائیں، آئرش ٹیم میں بھی ایک تبدیلی کی گئی ہے، کریک ینگ کی جگہ بین وائٹ ٹیم کا حصہ ہوں گے۔