ایک نیوز: نگران وزیراعلیٰ پنجاب محسن نقوی سے پنجاب بار کونسل کی جیل ریفارمز کمیٹی کی ملاقات ہوئی ہے۔ جس میں جیلوں میں قیدیوں کو بنیادی سہولتیں دینے کیلئے تجاویز پر بات چیت کی گئی۔
دوران بریفنگ بتایا گیا کہ قیدیوں کے کھانے کے بجٹ میں اضافہ کیا گیا ہے۔ اہل خانہ سے ٹیلی فونک گفتگو کا دورانیہ ماہانہ 300منٹ تک بڑھا دیا گیاہے۔ جیل ہسپتالوں کا انتظام محکمہ صحت کے سپرد کیا جارہاہے۔ جیلوں میں قیدیوں کے لئے بیکری اور یوٹیلیٹی سٹور قائم کئے جارہے ہیں۔
دوران بریفنگ بتایا گیا کہ جیلوں میں پنکھے اور کولر پوری طرح فنکشنل ہیں۔ جیل سٹاف کی کمی کو پورا کرنے کے لئے خالی آسامیوں پر بھرتی کی منظوری دی جا رہی ہے۔
پنجاب بار کونسل کے وفد نے قیدیوں کو فری لیگل ایڈ مہیا کرنے کی پیشکش کردی۔ چیئرمین کمیٹی پیر عمران اکرم بودلہ نے وز یراعلیٰ کو جیل اصلاحات سے متعلق سفارشات پیش کیں۔ محسن نقوی نے کہا کہ قابل عمل تجاویز کاخیر مقدم کریں گے۔
صوبائی مشیرکنور دلشاد، ایڈیشنل چیف سیکرٹری داخلہ. سیکرٹری قانون اور متعلقہ حکام بھی موجود تھے۔