سیف علی خان کے گھر ڈکیتی ،مزاحمت پر اداکارزخمی 

ویب ڈیسک:انڈین میڈیا کا کہنا ہے کہ گزشتہ رات بالی ووڈ اداکار سیف علی خان کے گھر میں ڈکیتی کی کوشش ہوئی۔
بھارتی میڈیا کے مطابق ڈکیتی کے دوران مزاحمت کرنےپر سیف علی خان زخمی ہو گئے جنہیں لیلاوتی اسپتال منتقل کر دیا گیا ،واقعہ گزشتہ رات ممبئی کے علاقے باندرا میں واقع اداکار کے گھر میں پیش آیا۔
بھارتی میڈیا کا کہنا ہے کہ نامعلوم شخص نے چوری کی نیت سے سیف علی خان کے گھر میں گھسنے کی کوشش کی جسکے دوران اداکار پر ڈاکو نےچھری سے حملہ کیاتو سیف علی خان معمولی زخمی ہو گئے۔
میڈیا رپورٹس کے مطابق چور سیف علی خان کے گھر میں گھسنے میں کامیاب ہو گیا تھا جہاں انہوں نے مزاحمت کی جس پر وہ زخمی ہو ئے،واقعے کی خبر سامنے آنے کے بعد سیف علی خان کے مداحوں نے غم و غصے کا اظہار کیا جبکہ سیف علی خان کی بیوی کرینہ کپور نے بھی اس واقعہ کی تصدیق کر دی ہے۔