ایک نیوز :پاکستان کا جھنڈا لہرانے پر بھارت کے شہر پریاگ راج (الہ آباد )میں ایک سڑک کو کشادہ کرنے کے لیے شیر شاہ سوری کے زمانے میں بنائی گئی مسجد کو مسمار کر دیا گیا ہے۔
سوشل میڈیا صارفین کی طرف سے دعویٰ کیا جا رہا ہے کہ اس مسجد کو اس لیے مسمار کیا گیا کیوں کہ اس کے گنبد پر پاکستان کا پرچم لگایا گیا تھا۔کئی اور انڈین صارفین بھی یہی ویڈیو اس دعوے کے ساتھ شیئر کی اور لکھا کہ یہ مسجد اتر پردیش کے وزیر اعلیٰ یوگی ادتیاناتھ نے مسمار کروائی ہے۔
U.P Chief Minister Yogiji demolished mosques that hoisted Pakistani flags.???? pic.twitter.com/7sHxeFujMY
— Satviksoul ???????? (@satviksoul) January 14, 2023
لیکن انڈین فیکٹ چیکنگ اکاؤنٹ ’ڈی انٹینٹ ڈیٹا‘ کے مطابق اس مسجد کو مسمار کیے جانے کی وجہ نہ پاکستانی پرچم تھا اور نہ ہی اس کا کسی مذہبی معاملے سے کوئی تعلق ہے بلکہ پریاگ راج میں اس مسجد کو ایک سڑک کو کشادہ کرنے کے لیے مسمار کیا گیا ہے۔
Uttar Pradesh's Prayagraj where the Shahi Masjid, which was obstructing the widening of the state highway has been demolished. This illegal mosque was built on Public Works Department (PWD) land. Nothing to do with Pakistani flag and religion.(2/3) pic.twitter.com/fAdGQUMv4x
— D-Intent Data (@dintentdata) January 15, 2023
تاہم ٹوئٹر پر کچھ صارفین کا یہ بھی کہنا ہے کہ پریاگ راج کی انتظامیہ نے اس مسجد کو عدالت میں معاملہ زیر سماعت ہونے کے باوجود مسمار کر کے نا انصافی کی ہے۔صحافی احمد خبیر نے ایک ٹو یٹ میں لکھا کہ اس مسجد کی تعمیر بادشاہ شیر شاہ سوری کے دور حکومت میں ہوئی تھی اور اسے جی ٹی روڈ کو کشادہ کرنے کے لیے مسمار کیا گیا ہے۔احمد خبیر کے مطابق شاہی مسجد کے امام کا کہنا ہے کہ عدالت نے اس معاملے کی سماعت جنوری 16 کو کرنا تھی۔
خیال رہے پریاگ راج کا نام پہلے الٰہ آباد تھا لیکن بی جے پی کے دور میں اس شہر کا نام تبدیل کر دیا گیا تھا۔