ایک نیوز:مصطفی اغوا اور قتل کیس میں مقتول نوجوان مصطفی کی والدہ نےایک نیوز پر ویڈیو بیان میں سائوتھ انویسٹی گیشن پولیس پر سوالات اٹھا دیئے، نوجوان کی والدہ کا کہنا تھا کہ 20روز تک پولیس صرف میرے بیٹے کی کردار کشی کرتی رہی۔
والدہ نے کہا کہ ایس ایس پی انویسٹی گیشن ساوتھ میرے بیٹے کی کردار کشی کرتا رہا،کوئی کام نہیں کیا ، ایس ایس پی علی حسن کیخلاف بھی مقدمہ ہونا چاہیے،ایس ایس پی علی حسن کیوں میری بات نہیں سن رہا تھا،ایس ایس پی انویسٹی گیشن ساوتھ علی حسن کو معطل یا برخاست ہونا چاہیے۔
والدہ نے مزید کہا کہ ایسے افسر جو عوام کی بات نہیں سنتے انہیں ہٹانا چاہیے،ایس ایس پی اے وی سی سی انیل حیدر سے مدد کا مطالبہ کیا ہے،اے وی سی سی نے10روز میں ہی کیس ٹریس کرلیا،لڑکی کے جھگڑے پر میرے بیٹے کا قتل مجھے سمجھ نہیں آتا،کالے شیشے اور بنا نمبر پلیٹ کی گاڑی ڈیفنس سے نکل کر حب کے مقام تک کیسے گئی؟۔
مصطفی کے قتل میں صرف ارمغان اور شیراز ملوث نہیں ،مصطفی بنا نمبر پلیٹ کی گاڑی ڈیفنس سے باہر نہیں لیکر جاتا تھا،مکینک کے پاس کورنگی بھی نمبر پلیٹ لگا کر جاتا تھا، گاڑی کو آگ لگانا اور دھماکہ ہونا کیا کسی نے آواز نہیں سنی ہوگی؟لاپتہ ہونے سے ایک روز قبل مصطفی ارمغان کی کال نہیں ریسیو کررہا تھا۔
کیپشن: Mustafa murder case, the statement of the mother of the young man came out