بلاول بھٹو کی عون چودھری اور نجمی عالم سے زرداری ہاؤس میں ملاقات

بلاول بھٹو کی عون چودھری اور نجمی عالم سے زرداری ہاؤس میں ملاقات

ایک نیوز:  چیئرمین پاکستان پیپلز پارٹی  اور وزیر خارجہ بلاول بھٹو زرداری سے وزیراعظم کے مشیر برائے کھیل و سیاحت عون چوہدری اور   کراچی الیکشن سیل کے انچارج نجمی عالم کی زرداری ہاؤس میں ملاقات ہوئی۔

رپورٹ کے مطابق چیئرمین بلاول بھٹو زرداری کو عون چوہدری نے ملک میں کھیل و سیاحت کے فروغ کے حوالے سے ہونے والے اقدامات سے آگاہ کیا۔ پاکستان پیپلز پارٹی کی جانب سے سماجی رابطہ ویب سائٹ ٹوئٹر پر عون چودھری اور بلاول بھٹو زرداری کی ملاقات کی تصدیق کی گئی۔ 

پیپلز پارٹی نے ٹوئٹر پر ملاقات کی تصویر شیئر کرتے ہوئے لکھا کہ  چیئرمین پی پی پی اور وزیر خارجہ بلاول بھٹو زرداری سے وزیراعظم کے مشیر برائے کھیل و سیاحت عون چوہدری کی زرداری ہاؤس میں ملاقات کی۔

 پاکستان پیپلزپارٹی کے چیئرمین بلاول بھٹو زرداری سے کراچی الیکشن سیل کے انچارج نجمی عالم کی زرداری ہاؤس میں ملاقات ہوئی۔ بلاول بھٹو زرداری کا کہنا تھا کہ  الیکشن کمیشن جیتے ہوئے امیدواروں کا نوٹی فکیشن فی الفور جاری کرے۔کراچی میں مخصوص نشستوں کے انتخابی عمل کو بھی جلد از جلد مکمل کیا جائے۔  اگر بلدیاتی الیکشن کے اگلے انتخابی عمل میں تاخیر ہوئی تو پاکستان پیپلزپارٹی احتجاج کا حق رکھتی ہے

شیئر کریں:

Hasan Moavia