ایک نیوز:قومی کرکٹ ٹیم کے کپتان محمد رضوان نے کہا ہے ٹی ٹوئنٹی میں نتائج توقعات کے مطابق نہیں تھے ۔
تفصیلات کے مطابق پاکستان کرکٹ ٹیم کے کپتان محمد رضوان نے پریس کانفرنس کرتے ہوئے کہا جو ماضی کی ناکامی ہوتی ہے اس کو ماضی میں رکھتے ہیں مگر اس سے سبق سیکھتے ہیں، ٹی ٹونٹی میں نتائج توقعات کے مطابق نہیں تھے ۔
انہوں نے کہا چیمپئنز ٹرافی کی تیاری کیلئے ہمارا سارا فوکس ون ڈے پر مرکوز ہے، ون ڈے میں ہمارا اچھا ردھم ہے اس کو برقرار رکھنے کی کوشش کریں گے، ٹی ٹوئنٹی میں ہم نوجوان پلیئرز کو موقع دے کر تجربات کررہے ہیں، ون ڈے سیریز میں ہم چیمپئنز ٹرافی کی تیاری ذہن میں رکھ کر میدان میں اتریں گے، ٹیم میں تمام پلیئر کپتان ہی ہیں، ٹیم میں "میں" کا لفظ نہیں، "ہم" کا لفظ ہوتا ہے۔
محمد رضوان نے مزید کہا ٹیم کا ورک بہترین ہے، ہم سب متحد ہے، جونیئر ہو یا سینئر سب کا فوکس ٹیم کی جیت پر ہے، کنڈیشنز دیکھ کر ٹیم بنانے کی کوشش کرتے، ہر جگہ الگ کنڈیشن میں کھیل رہے ہیں، ملک سے باہر کھیلنے میں ہمیشہ چیلنج کا سامنا کرنا پڑتا ہے، جنوبی افریقا کو مومینٹم ملا ہوا ہے، وہ بھی جیت کر آرہے ہیں، ہم نے بھی آسٹریلیا میں آسٹریلیا کو ہرایا، زمبابوے میں بھی سیریز جیتی، ون ڈے سیریز میں اچھا مقابلہ ہوگا۔