پاکستان بمقابلہ آسٹریلیاٹیسٹ میچ ،بولرزنے 71سالہ تاریخ بدل ڈالی

ویب ڈیسک:پرتھ میں جاری پاکستان بمقابلہ آسٹریلیاٹیسٹ میچ میں ڈیبیو کرنے والے نوجوان فاسٹ بولرز خرم شہزاد اور عامر جمال نے پاکستانی ٹیسٹ کرکٹ کی تاریخ بدل ڈالی۔
تفصیلات کےمطابق پرتھ کے واکا کرکٹ اسٹیڈیم میں جاری پاکستان بمقابلہ آسٹریلیاٹیسٹ میچ کے ڈیبیوکرنےوالےفاسٹ بولرزعامرجمال اورخرم شہزادنےپاکستان کرکٹ کی71سالہ تاریخ بدل ڈالی۔
 سیریز کے پہلے ٹیسٹ میچ کے دوسرے روز آسٹریلوی ٹیم 487 رنز بناکر آل آؤٹ ہوئی، میچ میں دونوں فاسٹ بولرز نے کُل 8 وکٹیں حاصل کیں۔
پاکستان کی71 سالہ ٹیسٹ تاریخ میں یہ پہلا واقعہ ہے جہاں ڈیبیو کرنے والے بولرز نے ایک ہی اننگز میں مجموعی طور پر8 وکٹیں حاصل کی ہوں۔
دوسری جانب عامر جمال نے ڈیبیو پر 5 یا اس سے زائد وکٹیں لینے والے 14ویں پاکستانی کرکٹر بننے کا اعزاز بھی حاصل کیا۔
واضح رہے کہ دورہ آسٹریلیا کے دوران سال 1964 میں آخری بار عارف بٹ یہ کارنامہ انجام دیا تھا۔