ایک نیوز نیوز: پاکستان سپر لیگ کے آٹھویں ایڈیشن کیلئے ٹیموں کی تشکیل کا عمل مکمل ہوگیا ہے۔
رپورٹ کے مطابق پی ایس ایل 8 کے پلیئرز ڈرافٹ کی تقریب کراچی میں منعقد ہوئی جس میں فرنچائزز کے مالکان، چیئرمین پی سی بی رمیز راجہ اور دیگر کرکٹرز نے شرکت کی۔پشاور زلمی نے 17 جبکہ دیگر ٹیموں نے 18،18 پلیئرز پر مشتمل اسکواڈ مکمل کیا۔ پشاور زلمی ایک پلیئر کا اعلان بعد میں کرے گی۔
پاکستان کرکٹ ٹیم کے سابق کپتان محمد حفیظ، کامران اکمل، احمد شہزاد اور سہیل تنویر کو کسی نے پک نہیں کیا۔اس کے علاوہ غیرملکی کھلاڑیوں میں آسٹریلیا کے ایرون فنچ، جنوبی افریقا کے وین ڈر ڈوسن اور سابق ویسٹ انڈین کرکٹر کیرون پولارڈ کو بھی کسی فرنچائز نے اپنی ٹیم کا حصہ نہیں بنایا۔
پلاٹینم کیٹیگری
پلاٹینم کیٹیگری میں پہلی پک لاہور قلندرز کی تھی جس میں انہوں نے فخر زمان کو دوبارہ اپنی ٹیم کا حصہ بنایا۔ کوئٹہ گلیڈی ایٹرز نے سری لنکا کے ہسارنگا اور نسیم شاہ، ملتان سلطان نے ڈیوڈ ملراور آئرلینڈ کے جوش لٹل،کراچی کنگز نے آسٹریلیا کے میتھیو ویڈ اور عمران طاہر ،پشاور زلمی نے سری لنکا کے بھنوکا راجا پکسا اور ویسٹ انڈیز کے روومن پاوول جبکہ اسلام آباد یونائیٹڈ نے ایلکس ہیلز اور افغانستان کے رحمان اللہ گرباز کو اسکواڈ میں شامل کیا۔
ڈائمنڈ کیٹیگری
ڈائمنڈ کیٹگری میں اسلام آباد یونائٹیڈ کی پہلی پک تھی جس میں افغانستان کے فضل حق فاروقی کو اسکواڈ میں شامل کرلیا۔ پشاور زلمی نے ڈائمنڈ کیٹیگری میں افغانستان کے مجیب الرحمٰن،لاہور قلندرز نے وائلڈ کارڈ استعمال کر کے حسین طلعت، کوئٹہ گلیڈی ایٹرز نے ویسٹ انڈیز کےاوڈین اسمتھ اور کراچی کنگز نے جیمز وینس اور جیمز فلٹر کو اسکواڈ کا حصہ بنالیا۔
گولڈ کیٹیگری
گولڈ کیٹگری نے پشاور زلمی نےدانش عزیز اور ارشد اقبال کو پک کیا جبکہ کوئٹہ گلیڈی ایٹرز نے احسان علی کو اسکواڈ کا حصہ بنایا۔
اس کے علاوہ لاہورقلندرز نے زمبابوے کے سکندر رضا، اور لیام ڈاؤسن کو ٹیم کا حصہ بنایا۔ ملتان سلطانز نے ویسٹ انڈیز کے عقیل حسین ،کراچی کنگز نے آسٹریلیا کے اینڈریو ٹائی کو گولڈ کیٹیگری میں پک کیا۔
سلور کیٹیگری
اسلام آباد یونائٹیڈ نے سلورکیٹیگری میں انگلینڈ کے خلاف دوسرے ٹیسٹ میں شاندار ڈیبیو کرنے والے اسپنر ابرار احمد ،صہیب مقصود اور رومان رئیس کو ٹیم کا حصہ بنایا۔
اس کے علاوہ کوئٹہ گلیڈی ایٹرز نے سلور کیٹیگری میں عمید آصف اور محمد زاہد،کراچی کنگز نے طیب طاہر اورمحمد اخلاق ،ملتان سلطان نے اسامہ میر، وکٹ کیپر بیٹر عثمان خان ، ثمین گل، انور علی اور سرور آفریدی ، پشاور زلمی نے صائم ایوب اور عثمان قادر جبکہ لاہور قلندرز نے دلبر حسین، طاہر بیگ اور فاسٹ بولر احمد دانیال کو اسکواڈ میں شامل کیا۔
ایمرجنگ کیٹیگری
کراچی کنگز نے ایمرجنگ کیٹیگری میں عرفان اللہ نیازی کو پک کیا جبکہ پشاورزلمی نےصفیان مقیم اور حسیب اللہ کو اسکواڈ کا حصہ بنالیا۔
اسلام آباد یونائیٹڈ نے ایمرجنگ کیٹیگری میں ذیشان ضمیر اورحسن نواز، کوئٹہ گلیڈی ایٹرز نے عبدالواحد بنگلزئی اور ایمل خان جبکہ لاہور قلندرز نے شاویز عرفان کو پک کیا۔
سپلیمنٹری کیٹیگری
پشاور زلمی نے سپلیمنٹری کیٹیگری نیوزی لینڈ کے جمی نیشم،ملتان سلطانز نے انگلینڈ کے عادل رشید اور عرفان منہاس کو پک کیا۔
اس کے علاوہ کوئٹہ گلیڈی ایٹرز نے نیوزی لینڈ کے مارٹن گپٹل اور عمیربن یوسف، جبکہ لاہور قلندرز نے سپلیمنٹری کیٹیگری میں انگلینڈ کے جارڈن اور جلات خان ،اسلام آباد یونائیٹڈ نے معین علی اور مبسر خان ،کراچی کنگز نے جنوبی افریقا کے تبریز شمسی اورمحمد عمر کو شامل کیا۔