ایک نیوز: قومی کرکٹ ٹیم کے سابق کپتان وسیم اکرم نے پاکستان کرکٹ بورڈسے معافی مانگنے کا مطالبہ کردیا ہے۔
رپورٹ کے مطابق ایک ٹویٹ میں وسیم اکرم نے لکھا کہ ایک تھکا دینے والے سفر کے بعد سری لنکا پہنچا تو پی سی بی کی پاکستان کرکٹ کی تاریخ پر مبنی ویڈیو دیکھ کر بڑا دھچکا لگا جس میں عمران خان موجود نہیں تھے۔
وسیم اکرم کا کہنا تھا کہ سیاسی اختلافات اپنی جگہ ہیں لیکن عمران خان عالمی کرکٹ کے آئیکون ہیں اور انہوں نے اپنے دور میں پاکستان کو ایک مضبوط یونٹ کے طور پر ترقی دی اور ہمیں ایک راستہ فراہم کیا۔ وسیم اکرم نے پی سی بی سے مذکورہ ویڈیو ڈیلیٹ کرنے اور معافی مانگنے کا مطالبہ کردیا ہے۔
After long flights and hours of transit before reaching Sri Lanka, I got the shock of my life when I watched PCB’s short clip on the history of Pakistan cricket minus the great Imran Khan… political differences apart but Imran Khan is an icon of world cricket and developed…
— Wasim Akram (@wasimakramlive) August 16, 2023
خیال رہے کہ پی سی بی کی جانب سے یومِ آزادی پر جاری کی گئی جسے دیکھ کر کچھ لوگ کافی مشتعل ہو گئے کیونکہ ورلڈ کپ جیتنے والے کپتان عمران خان کو پاکستان کرکٹ کی کامیابیوں کا جشن منانے کے لئے جاری کی گئی ویڈیو سے نکال دیا گیا تھا۔