ایک نیوز: نواز شریف کی وطن واپسی کب ہوگی؟ واپسی کی منصوبہ بندی کیا ہوگی اور لیگی قائد کو واپسی پر کن مشکلات کا سامنا کرنا پڑسکتا ہے؟ اہم جوابات کیلئے اجلاس لندن میں طلب کرلیا گیا ہے۔
مسلم لیگ ن کے قائد نواز شریف کی وطن واپسی کے معاملے میں اہم پیشرفت سامنے آگئی۔ مسلم لیگ ن کے قائد نواز شریف نے مسلم لیگ ن کی سینئر قیادت اور لیگل ٹیم کو لندن طلب کر لیا۔
پارٹی ذرائع کے مطابق مسلم لیگ ن کی لیگل ٹیم اور سینئر رہنما رواں ہفتے لندن روانہ ہوں گے، سابق وزیر اعظم شہباز شریف، مسلم لیگ ن کی لیگل ٹیم اور سابق وفاقی وزراءرواں ہفتے لندن روانہ ہوں گے۔
ذرائع کا کہنا ہے کہ مسلم لیگ ن کے صدر شہباز شریف ،رانا ثناء اللہ ، اور اعظم نذیر تارڑ لندن میں مسلم لیگ ن کے قائد نواز شریف سے ملاقات کریں گے۔ جس میں مسلم لیگ ن کے قائد کی وطن واپسی کے لیے قانونی امورپر تبادلہ خیال کیا جائے گا۔
ملاقات کے دوران آئندہ انتخابات میں مسلم لیگ ن اور اتحادی جماعتوں کے حوالے سے مشاورت کی جائے گی۔