ایک نیوز: آل راؤنڈر عماد وسیم نے قومی کرکٹ ٹیم کے کپتان بابراعظم کو ’ دنیا کا بہترین کھلاڑی ‘ قرار دے دیا۔
Imad Wasim interviews King Babar Azam ????
— Cricket Pakistan (@cricketpakcompk) April 16, 2023
"I have witnessed a lot of innings, but his [Babar] innings tonight was top of the line''#BabarAzam???? #PAKvNZ pic.twitter.com/7UtzGEQ4z6
عماد وسیم نے پاکستانی کپتان کے بارے میں یہ ریمارکس ہفتے کو نیوزی لینڈ کے خلاف دوسرے ٹی ٹوینٹی انٹرنیشنل میچ میں ان کی شان دار سینچری اننگز کے بعد دیے۔
دوسرے ٹی ٹوینٹی میچ میں قومی کپتان نے 174.13 کے اسٹرائیک ریٹ سے 58 گیندوں پر 101 رنز کی دھواں دار اننگز کھیلی تھی۔ ان کی اننگز میں 11 چوکے اور تین چھکے شامل تھے۔
میچ کے بعد بابراعظم سے گفتگو کرتے ہوئے عماد وسیم نے کہا کہ مجھے یقین ہے کہ وہ اس وقت دنیا کے بہترین کھلاڑی ہیں۔
عماد وسیم نے کہا،’’ میں نے بہت سی اننگز دیکھی ہیں مگر میری رائے میں ان کی یہ اننگز سب سے بہتر تھی، خاص طور پر تین وکٹیں گرنے کے بعد انہوں نے جس انداز سے اننگز کو آگے بڑھایا وہ لاجواب تھا۔ اس میں کوئی شک نہیں کہ وہ دنیا کے بہترین کھلاڑی ہیں۔‘‘