ایک نیوز: ٹریفک حادثے میں جاں بحق ہونے والے وفاقی وزیر برائے مذہبی امور مفتی عبدالشکورکےجنازہ میں سیاسی وسماجی شخصیات سمیت ہزاروں کی تعداد میں جے یو آئی کے کارکنوں نے شرکت کی۔رہنما جے یو آئی کو آبائی علاقے تاجبی خیل کے قبرستان میں سپرد خاک کر دیا گیا۔
نماز جنازہ کے موقع پر علاقے میں پولیس کی جانب سے سکیورٹی پلان ترتیب دیا گیا تھا، جنازہ گاہ اور راستوں میں پولیس کی بھاری نفری تعینات کی گئی۔
مفتی عبدالشکور کی نماز جنازہ میں ممبر قومی اسمبلی محسن داوڑ، مولانا محمد انور، محمد خان شیرانی اور دیگر سیاسی، سماجی شخصیات سمیت ہزاروں کی تعداد میں جے یو آئی کے کارکنوں نے شرکت کی۔
گزشتہ روز مفتی عبدالشکور کی نمازہ جنازہ اسلام آباد میں جامعہ دارالسلام سیکٹر جی 6 میں مولانا فضل الرحمان نے پڑھائی، نماز جنازہ میں ارکان پارلیمنٹ سمیت علماء اور جے یو آئی کے کارکنان کی بڑی تعداد نے شرکت کی، سابق وزیراعظم یوسف رضا گیلانی، طارق فضل چودھری اور دیگر ممبران اسمبلی بھی نماز جنازہ میں شریک ہوئے۔
بعد ازاں مفتی عبدالشکور کی میت کو اسلام آباد سے لکی مروت ان کے آبائی گاؤں پہنچا دیا گیا، مفتی عبدالشکور کو لکی مروت میں واقع آبائی گاؤں تاجبی خیل میں سپرد خاک کر دیا گیا۔
کیپشن: Lucky Marwat: Mufti Abdul Shakoor was buried in the graveyard of Tajbi Khel, his native area