ایک نیوز:اداکارہ یشماگل نےمیرج بیوروبارےبڑاانکشاف کیاہےکہ میرج بیورو نےاداکارہ کا رشتہ کروانے کیلئے8 لاکھ روپے مانگے تھے۔
حال ہی میں اداکارہ یشما گل نےایک نجی چینل کےشومیں شرکت کی،انٹرویوکےدوران اداکارہ نےانکشاف کیاکہ اب شادی کروانےسےپہلےرشتہ کروانابہت مہنگاہوگیاہے،میں نے میرج بیورو والوں کو اپنے لیے رشتہ ڈھونڈنے کا کہا یہ سوچ کر کہ کیا پتا اچھا رشتہ مل جائے اور شادی کرلوں لیکن میرج بیورو والوں نے رشتہ ڈھونڈنے کیلئے 8 لاکھ روپے مانگے جسے سُن کر حیران رہ گئی۔
اداکارہ کا مزید کہنا تھا کہ اداکار صبح10 بجے سے رات10 بجے تک کام کررہے ہوتے ہیں۔ میرے پاس بھی شوہرڈھونڈنے کا وقت نہیں ہے۔ ایک دن سیٹ پر بیٹھے بیٹھے مذاق میں آن لائن میرج بیورو دیکھنا شروع کیے۔
اداکارہ نے کہا کہ میرج بیورو نے یہ تصدیق کرنے کیلئے کہ میں یشما گل ہوں ویڈیو کال کی اور پھر4 لاکھ روپے رجسٹریشن فیس اور رشتہ ہونے کے بعد مزید4 لاکھ روپے معاوضہ مانگا۔
یشما گل کا کہنا تھا کہ گھر والے کہتے رہتے ہیں کہ وہ شوبز میں کام بھی جاری رکھیں مگر شادی کرلیں۔ فوری طور پر شادی کرنے کا ارادہ نہیں جب کوئی اچھا لڑکا مل جائے گا تو شادی کر لوں گی۔ انسان کو سوچ سمجھ کر شادی ایک بار ہی کرنا چاہیے۔
کیپشن: Marriage bureau demanded 8 lakh rupees for marriage, Yash Magal