ایک نیوز نیوز: لاہور میں سیکرٹری پنجاب بار کونسل اشرف راہی کا قاتل ان کا سینئرکلرک نکلا ، چوری کا مقدمہ درج کرانے کی رنجش پر واردات کی۔
تفصیلات کے مطابق سربراہ لاہور پولیس نے اپنے دفتر میں پریس کانفرنس کرتے ہوئے بتایا کہ مقتول اشرف راہی نے اپنے سینئر کلرک ارسلان بٹ کو ریکارڈ چوری کرتے رنگے ہاتھوں پکڑا اور مقدمہ درج کرایا ۔ جس پر ملزم کو جیل جانا پڑا ۔ اسی رنجش پر جیل سے رہائی کے بعد ملزم نے اشرف راہی کے قتل کا منصوبہ بنایا اور تئیس جولائی کی رات انہیں بادامی باغ میں فائرنگ کرکے قتل کردیا ۔
ملزم ارسلان بٹ کی گرفتاری موبائل کالز ریکارڈ اور فوٹیجز کی مدد سے عمل میں لائی گئی ہے ۔ دوران تفتیش ملزم نے اعتراف جرم بھی کرلیا ہے ۔