ایک نیوز:امریکی ریاست کیلیفورنیا میں باٹم لیس میموساس نامی مشروب پی کر ریسٹورنٹ میں قےکرنے والوں پر50 ڈالرز جرمانہ عائد کردیا گیا۔
غیر ملکی میڈیا کے مطابق یہ پابندی شہر آکلینڈ کے ریسٹورنٹ نے لگائی ہے۔
باٹم لیس میموساس مشروب کیا ہے؟
یہ ایک قسم کا کوکٹیل ہے جس میں عام طور پر اورنج جوس اور شیمپین / وائن ملائی جاتی ہے جسے پی کر ابتدائی طور پر متلی کا سا احساس ہوتا ہے۔
غیر ملکی میڈیا رپورٹس کے مطابق ریسٹورنٹ انتظامیہ کی جانب سے اس مشروب پینے والوں کو ہدایت کی گئی ہے کہ مشروب کو پیتے وقت خیال برتیں کیونکہ ریسٹورنٹس میں الٹی کرنے والوں کو صفائی کی مد میں50 ڈالر کا جرمانہ بھرنا پڑے گا۔
اسی حوالے سے ریسٹورنٹ کے مالک نے کہا کہ انہوں نے ابھی کسی سے الٹی کی فیس نہیں لی لیکن یہ قدم اٹھانا ضروری ہے کیونکہ الٹی کی صفائی کرنا بہت مشکل کام ہے۔
انہوں نے مزید کہا کہ کووڈ کی وجہ سے لوگ ڈر گئے ہیں جبکہ مشروب پی کر الٹی کرنے کے واقعات میں بھی اضافہ ریکارڈ کیا گیا ہے اور ملازم بھی اسے صاف نہیں کرنا چاہتے تو اس لیے بہتر ہے کہ جرمانہ عائد کیا جائے۔
میڈیا رپورٹس کے مطابق ریسٹورنٹ کی جانب سے یہ بھی بتایا گیا ہے کہ جب سے انہوں نے یہ پابندی عائد کی ہے ریسٹورنٹ میں الٹی کرنے کے واقعات میں کمی دیکھی گئی ہے۔
کیپشن: There will be a fine for those who vomit in the restaurant drinking special drinks