ایک نیوز: عمران خان کی ماسک پہنے ہوئے کارکنان میں آنے کی پہلی ویڈیو سامنے آگئی ہے۔
رپورٹ کے مطابق گزشتہ دو روز سے زمان پارک میں محصور چیئرمین تحریک انصاف عمران خان اچانک ماسک پہن کر کارکنان میں آگئے جس کی ویڈیو سوشک میڈیا پر وائرل ہوگئی ہے۔
عمران خان کی جانب سے آنسو گیس سے بچنے کے لیے ماسک لگایا ہوا تھا اور اسی حالت میں انہوں نے گھر کے لان میں موجود کارکنان سے ملاقات کی اور ان کی حوصلہ افزائی کرتے ہوئے محتاط رہنے کی تلقین کی۔
شدید شیلنگ کے باوجود عمران خان زمان پارک کارکنوں کے درمیان موجود#زمان_پارک_پُہنچو pic.twitter.com/hNRWTdKUTi
— PTI (@PTIofficial) March 15, 2023
عمران خان کی جانب سے کارکنوں کے حوصلے کی بھرپور تعریف کرتے ہوئے کہا کہ آپ کا حوصلہ میرے لیے قابل فخر ہے۔ عمران خان کو دیکھتے ہی کارکنان کے چہروں پر خوشی کی لہر دوڑ گئی اور سب پی ٹی آئی چیئرمین کے اردگرد کھڑے ہوگئے۔