ایک نیوز: ڈسکہ ویرووالا چیمہ میں شدید طوفانی بارش سے گھر کی چھت گرنے سے ایک ہی خاندان کے دو بچے جاں بحق، خواتین سمیت چار افراد شدید زخمی ہو گئے۔
رپورٹ کے مطابق ڈسکہ ویرووالا چیمہ شدید طوفانی بارش سے گھر کی چھت گرنے سے ایک ہی خاندان کے دو بچے جاں بحق ،خواتین سمیت چار افراد شدید زخمی ہوگئے۔لواحقین کا کہنا ہےکہ گاڈر اور بالے کی کچی چھت تھی جو آندھی اور بارش کی وجہ سے گر گئی۔
چھت تلے آ کر دو سگے بھائی سات سالہ زین اور گیارہ سالہ عمیر جاں بحق جبکہ شبانہ بی بی ، علی،شہناز بی بی،شازیہ بی بی زخمی ہو گئے۔ ریسکیو 1122 عملہ نے موقع پر پہنچ کر تمام افراد کو ملبہ سے نکال کر سول ہسپتال منتقل کر دیا گیا ہے۔ پولیس کی جانب سے جانبحق ہونے والوں کا پوسٹ مارٹم کرنے کے اصرار پر لواحقین کا شدید احتجاج جاری ہے۔