ایک نیوز: وزیراعظم شہباز شریف کا 2 روزہ سرکاری دورہ آذربائیجان کامیابی سے جاری ہے۔ اس دوران وہ آذربائیجان میں ذگولبا صدارتی محل پہنچے۔ جہاں انہوں نے صدر الہام علیوف سے ملاقات کی۔
تفصیلات کے مطابق آذربائیجان کے صدر الہام علیوف نے وزیرِ اعظم کا پرتپاک استقبال کیا۔ وزیرِاعظم کو ذگولبا صدارتی محل میں گارڈ آف آنر پیش کیا گیا۔
دریں اثناء آذربائیجان کے صدر الہام علیوف کی دعوت پر وزیرِ اعظم محمد شہباز شریف باکو آذربائیجان کے دو روزہ سرکاری دورے پر پہنچے۔
وزیرِاعظم نے آذربائیجان کے قومی قائد حیدر علیوف کے مزار پر حاضری دی اور پھولوں کی چادر چڑھائی۔ اس کے علاوہ وزیرِ اعظم نے آذربائیجان کی یادگارِ شہداء کا دورہ بھی کیا۔
دونوں ممالک کے درمیان تجارت کے فروغ اور توانائی کے شعبے میں تعاون کیلئے وزیرِ اعظم سے آج آذربائیجان کے وزراء کے وفد کی ملاقات بھی متوقع ہے۔