ویب ڈیسک: لاہور ہائیکورٹ نے قوانین نظر انداز کرنے پر سوشل میڈیا ایپس کی بندش کی درخواست پر پاکستان ٹیلی کمیونیکیشن اتھارٹی کو نوٹس جاری کردیا۔
لاہور ہائیکورٹ کے جسٹس عابد عزیز شیخ نے قوانین کی خلاف ورزی پرسوشل میڈیا ایپس کی بندش سے متعلق درخواست کی سماعت کی، عدالت نے پی ٹی اے کو نوٹس جاری کرتے ہوئے جواب طلب کرلیا۔
درخواستگزار وکیل نے موقف اختیار کیا کہ ٹوئٹر، فیس بک، انسٹاگرام، یوٹیوب اوردیگر سوشل میڈیا ایپس پر آن لائن فراڈ عام ہو چکا ہے، سادہ لوح شہریوں کو ان ایپس پر اشتہارات اور جعلی معلومات سے لوٹا جا رہا ہے، سوشل میڈیا ایپس شہریوں کی ذاتی معلومات حاصل کر کے پرائیویسی کے قوانین کو نظر انداز کر رہی ہیں۔
لاہور ہائیکورٹ نے کیس کی سماعت غیر معینہ مدت کے لیے ملتوی کردی۔
کیپشن: Lahore High Court: Notice issued to PTA on request for closure of social media apps