ایک نیوز: پاک فوج اور فرنٹیئر کور کی جانب سے خیبرپختونخواہ کے دوردراز علاقوں میں عوام کو صحت کی بنیادی سہولیات کی فراہمی کا سلسلہ جاری ہے۔
پاک فوج اور فرنٹیئرکور نارتھ نے سردی کی آمد کے ساتھ باجوڑ، مہمند، خیبر، سوات، دیر، بونیر اور چترال کے مختلف علاقوں میں فری میڈیکل کیمپس کا انعقاد کیا۔
ان فری میڈیکل کیمپس میں ڈاکٹروں اور نرسنگ سٹاف نے سات ہزار سے زائد مریضوں کا مفت طبی معائنہ کیا اور انہیں ادویات بھی فراہم کیں۔ جن میں کئی مریضوں کو علاج کے لئے متعلقہ ڈسٹرکٹ ہسپتالوں میں بھی تشخیص کے لئے مدد فراہم کی۔
ڈاکٹروں اور نرسنگ سٹاف نے عوام کو موسمی بیماریوں سے متعلق آگاہی بھی فراہم کی۔ پاک فوج اور فرنٹیئر کور کی جانب سے فری میڈیکل کیمپ کے ذریعے دوردراز علاقوں میں عوام کو صحت کی سہولیات کی فراہمی جاری رہے گی۔