ایک نیوز: آئی ایس پی آر کے مطابق سکیورٹی فورسز نے خیبر پختونخواہ میں 2 مختلف کارروائیاں کیں ، جس کے نتیجے میں 15خوارج جہنم واصل ہوگئے ، جبکہ پاک فوج کے 4 جوان میں وطن عزیز پر قربان ہوگئے۔
پاک فوج کے شعبہ تعلقات عامہ (آئی ایس پی آر ) کے مطابق سیکیورٹی فورسز نے ڈیرہ اسماعیل خان کے علاقے ہتھالہ میں خارجی دہشت گردوں کی موجودگی کی اطلاع پر انٹیلی جنس بیسڈ آپریشن کیا ، کارروائی کے دوران سیکیورٹی فورسز نے دہشت گردوں کے ٹھکانے کو نشانہ بنایا ،جس کے نتیجے میں 9 خارجی دہشت گرد مارے گئے ۔
آئی ایس پی آر کے مطابق ڈیرہ اسماعیل خان میں مارے جانے والے دہشتگردوں میں انتہائی مطلوب دہشت گرد فرمان عرف ثاقب، امان اللہ عرف طوری،سعید عرف لیاقت اور بلال شامل تھے ، ہلاک ہونے والے دہشت گرد علاقے میں سیکیورٹی فورسز کے خلاف دہشت گردی کی کارروائیوں میں ملوث تھے۔
سیکیورٹی فورسز نے دوسری کارروائی شمالی وزیرستان کے علاقے میران شاہ میں کی ،جس میں 6 خارجی دہشت گرد مارے گئے ۔
آئی ایس پی آر کے مطابق دہشت گردوں سے بہادری سے مقابلہ کرتے چار جوان شہید ہوگئے، شہدا ء میں لیفٹیننٹ محمد حسن اشرف ،نائب صوبیدار محمد بلال ،سپاہی فرحت اللہ اور سپاہی ہمت خان شامل ہیں۔
ترجمان پاک فوج کے مطابق دہشت گردوں کے ساتھ شدید فائرنگ کے تبادلے میں لیفٹیننٹ محمد حسان اشرف شہید ہوگئے،ان کی عمر 21 اور تعلق لاہور سے تھا ،لیفٹیننٹ محمد حسان اشرف نے اپنے دستوں کی قیادت کرتے ہوئے بے جگری سے جام شہادت نوش کیا۔
دہشت گردوں کے ساتھ جھڑپ میں 3 سپاہیوں نے بھی جان کا عظیم نذرانہ پیش کیا ،شہید ہونے والے سپاہیوں میں نائب صوبیدار محمد بلال شامل ہیں ،نائب صوبیدار محمد بلال شہید کی عمر 39 برس تعلق ڈیرہ اسماعیل خان سے تھا ،سپاہی فرحت اللہ شہید کی عمر 27 برس اور تعلق لکی مروت سے تھا ،سپاہی ہمت خان شہید کی عمر 29 سال اور تعلق ضلع مومند سے تھا۔
آئی ایس پی آر کا کہناہےسیکیورٹی فورسزکاممکنہ خارجیوں کےخاتمےکیلئےکلیئرنس آپریشنز جاری ہے، سیکیورٹی فورسزدہشتگردی کےخاتمےکیلئےپرعزم ہیں، بہادرجوانوں کی قربانیاں ہمارے عزم کومزیدتقویت دیتی ہیں۔