ایک نیوز:سہ ملکی ون ڈے سیریز نیوزی لینڈ نے جیت لی، کیویز نے فائنل میں پاکستان کو شکست دے دی۔
بلیک کیپس نے 243 رنزکا ہدف 5 وکٹوں پر حاصل کر لیا، کراچی میں کھیلے گئے فائنل میں پاکستان نے ٹاس جیت کر بیٹنگ کا فیصلہ کیا تھا، پاکستان کیجانب سے فخر زمان 10 رنز سعود شکیل 8 اور بابر اعظم 29 رنز بناکر پویلین لوٹے۔
رضوان اور سلمان نے ایک بار پھر بہترین پارٹنرشپ کا مظاہرہ کیا اور پاکستان کے مجموعی سکور میں 88 رنز کا اضافہ کیا، تاہم کپتان 46 اور نائب کپتان 45 رنز بنا کر آؤٹ ہوگئے،طیب طاہر نے 38 رنز بنائے، بعد میں آنے والے بھی سکور کو 242 تک ہی پہنچا سکے۔
نیوزی لینڈ کے ول او رو رک نے 4، بریس ویل اور سینٹنر 2، 2 کھلاڑیوں کو پویلین کی راہ دکھائی،243 رنز کے ہدف کے تعاقب میں دوسرے ہی اوور میں نیوزی لینڈ کی پہلی وکٹ گر گئی، ول ینگ 5 رنز بنا کر نسیم شاہ کا شکار بنے۔
اسکے بعد کین ولیمسن 76 اور کونوے 48 رنز بناکر پویلین لوٹ گئے،مچل اور لیتھم نے بھی بہترین بلے بازی کا مظاہرہ کیا اور ٹیم کی کامیابی میں اہم کردار ادا کیا،مچل اور لیتھم بالترتیب 57 اور 56 رنز بنا کر پویلین لوٹے۔
کیویز نے 46 ویں اوور میں 5 وکٹوں کے نقصان پر ہدف حاصل کرتےہوئے سہ ملکی سیریز کے فائنل میں پاکستان کو شکست دے کر فتح کا تاج اپنے سر پر سجا لیا۔
پاکستان کے نسیم شاہ نے 2، شاہین، ابرار اور سلمان نے ایک ایک وکٹ حاصل کی۔