سربراہ پاک بحریہ ایڈمرل نوید اشرف کا دورہ بحرین ، سول و فوجی قیادت سے ملاقاتیں

ایک نیوز: پاک فوج کے شعبہ تعلقات عامہ آئی ایس پی آرکے مطابق سربراہ پاک بحریہ ایڈمرل نوید اشرف نے بحرین کا دورہ کیا ،دورے کے دوران اعلیٰ سول اور فوجی قیادت سے ملاقاتیں کیں۔
نیول چیف کی مملکت بحرین کے بادشاہ حماد بن عیسی الخلیفہ سے تفصیلی ملاقات ہوئی،ملاقات میں دفاعی تعاون کو مضبوط بنانے اور دونوں ممالک کے مابین تاریخی تعلقات کو مستحکم کرنے پر تبادلہ خیال کیا گیا ۔
 نیول چیف کی مملکت بحرین کے ولی عہد، وزیراعظم اور ڈپٹی سپریم کمانڈر بحرین ڈیفینس فورسز، سلطا ن بن حماد الخلیفہ سے الگ ملاقات کے دوران باہمی دفاعی تعلقات پر تفصیلی مشاورت ہوئی ، کمانڈ ر بحر ین ڈیفنس فورسز؛ فیلڈ مارشل شیخ خلیفہ بن احمد الخلیفہ، کمانڈر بحرین نیشنل گارڑ،جنرل شیخ محمد بن عیسی بن سلمان اور کمانڈر رائل بحرین نیول فورس ریئر ایڈمرل احمد محمد ابراہیم البن علی سے بھی تفصیلی ملاقاتیں ہو ئیں ۔
ملاقاتوں میں باہمی دلچسپی کے سیکورٹی امور اور دو طرفہ دفاعی تعاون کو مزید بڑھانے پر تبادلہ خیال کیا گیا ، نیول چیف نے رائل بحرین ڈیفینس فورس کے جنگی جہاز منامہ اور رائل کمانڈ اینڈ سٹاف کالج کا بھی دورہ کیا اور افسران کو خطے کی سیکورٹی صورتحال پر لیکچر دیا ۔
نیول چیف کا دورہ دونوں ممالک کے تعلقات کو مزید فروغ اور وسعت دے گا۔