ن لیگ کے رہنما صدیق الفاروق انتقال کر گئے

ایک نیوز:مسلم لیگ ن کے رہنما صدیق الفاروق انتقال کر گئے، وہ طویل عرصہ سے علیل تھے۔
خاندانی ذرائع کے مطابق صدیق الفاروق کی نماز جنازہ پیر کے روز ادا کی جائے گی ، صدیق الفاروق نواز شریف کے دور حکومت میں چیئرمین متروکہ وقف املاک رہے ۔
وزیراعظم شہباز شریف کے نمائندے عرفان صدیقی نے حالیہ دنوں ان کی عیادت کی تھی، عرفان صدیقی نے صدیق الفاروق کی عیادت کے دوران ان کے اہلخانہ سے ملاقات بھی کی تھی۔    
وزیر اعلیٰ پنجاب مریم نواز نےمسلم لیگ ن کے رہنما صدیق الفاروق کے انتقال پر اظہار افسوس کیا ہے،وزیر اعلیٰ نےصدیق الفارق مرحوم کی سیاسی خدمات کو خراج تحسین پیش کیا۔