موسم سرما میں گھریلو صارفین کیلئےگیس کی فراہمی کا شیڈول جاری 

ایک نیوز: موسم سرما میں گھریلو صارفین کے لیے گیس کی فراہمی کا شیڈول جاری ہو گیا۔
شیڈول کے مطابق صارفین کو دن بھر میں تین مختلف اوقات میں گیس فراہم کی جائے گی، گیس کی مکمل دباؤ کے ساتھ فراہمی کو یقینی بنایا جا سکے، گیس کی فراہمی صبح چھ بجے سے نوبجے تک، دوپہر 12 بجے سے 2 بجے تک، شام چھ بجے سے 9 بجے تک ہو گی۔
ایس این جی پی ایل حکام کا کہنا ہے کہ حکومت کی ہدایات پر گیس کی فراہمی کے اوقات کو تبدیل کیا گیا ، موسم سرما میں گیس کا استعمال بڑھ جاتا ہے۔
 خاص طور پر حرارت فراہم کرنے والے آلات جیسے بوائلرز اور ہیٹرز کے لیے سردی کے باعث کم روشنی کے دورانیے اور گھروں میں ناقص موصلیت کی وجہ سے بھی گیس کی کھپت میں اضافہ ہوتا ہے جس کے نتیجے میں سردیوں کے مہینوں میں گیس کی طلب میں نمایاں اضافہ دیکھا جاتا ہے۔