ویب ڈیسک :اسپیس ایکس اور ایکس جیسی کمپنیوں کے مالک ایلون مسک نے یونیورسٹی کھولنے کی خواہش کااظہار کردیا۔
ایک رپورٹ کے مطابق امریکی ریاست ٹیکساس میں ایلون مسک ایک نئی یونیورسٹی کھولنے کی منصوبہ بندی کر رہے ہیں۔ایلون مسک نے اس مقصد کے لیے 10 کروڑ ڈالرز اپنے فلاحی ادارے دی فاؤنڈیشن کو عطیہ کیے ہیں۔ آسٹن میں ایک پرائمری و سیکنڈری اسکول کھولا جائے گا جسے بعد میں یونیورسٹی کی شکل دی جائے گی۔دی فاؤنڈیشن کے مطابق اس اسکول اور یونیورسٹی کا نصاب روایتی مضامین کے ساتھ ساتھ غیر روایتی طریقہ تعلیم پر مبنی ہوگا۔ابتدائی طور پر اسکول میں 50 طالبعلموں کو میرٹ پر داخلہ دیا جائے گا۔
دستاویزات میں بتایا گیا کہ اسکول کے اخراجات عطیات اور ٹیوشن فیس سے پورے کیے جائیں گے۔
کیپشن: ایلون مسک کا اپنی یونیورسٹی کھولنے کے خواہش کااظہار