ایک نیوز نیوز: مرکزی سیکرٹری جنرل تحریک انصاف اسد عمر کی زیر صدارت اعلیٰ سطحی اجلاس ہوا،جس میں بلدیاتی انتخابات کی تیاریوں،انتخابی مہم کے خدوخال اور تحریک انصاف کے انتخابی منشور سمیت دیگر اہم امور پر اجلاس میں تفصیلی تبادلہ خیال کیا گیا ہے۔
تفصیلات کے مطابق مرکزی سیکرٹری جنرل تحریک انصاف اسد عمر کی زیر صدارت اعلیٰ سطحی اجلاس ہوا، تحریک انصاف اسلام آباد کے صدر علی نواز اعوان سمیت اہم ذمہ داران نےاجلاس میں شرکت کی،اسلام آباد میں بلدیاتی انتخابات کی تیاریوں،انتخابی مہم کے خدوخال اور تحریک انصاف کے انتخابی منشور سمیت دیگر اہم امور پر اجلاس میں تفصیلی تبادلہ خیال کیا گیا۔
اجلاس میں اسلام آباد میں قومی اسمبلی کے تینوں حلقوں میں یونین کونسلز کی سطح پر موبلائزیشن کمیٹیوں کی تشکیل کا بھی جائزہ لیا گیا۔بلدیاتی انتخابات کے لئے موثر میڈیا مہم کی تیاری و منصوبہ بندی پر بھی گفتگو کی گئی۔سماجی میڈیا کے ذریعے عوام تک تحریک انصاف کے منشور کی ترویج کی حکمت عملی پر بھی اجلاس میں تبادلہ خیال کیا گیا۔ تحریک انصاف کی جانب سے اسلام آباد میں تاریخی ترقیاتی کاموں کی ترویج کی حکمت عملی کی بھی منظوری دی گئی،اجلاس میں اسلام آباد بھر میں عوامی اجتماعات کے شیڈول کے خاکے کی بھی منظوری دے دی گئی ہے۔تنظیمی ذمہ داران کو بلدیاتی امیدواروں کی ہر سطح پر مہم چلانے کی خصوصی ہدایات جاری کی گئی ہے۔
تحریک انصا ف کے رہنما اسد عمر نے اجلاس میں کہا کہ عوام کی امیدوں کا محور و مرکز تحریک انصاف ہے، عمران خان واحد قائد ہیں،وفاقی دارلحکومت کا یہ بلدیاتی انتخاب حقیقی آزادی کی تحریک کی کامیابی کا پیش خیمہ ثابت ہو گا،محنتی،وفادار اور قابل کارکنان کو بڑی تعداد میں میدان میں اتارا ہے،13 جماعتی کرپٹ گروہ کو مل کر بھی اسلام آباد میں امیدواروں کی قلت کا سامنا ہے،31 دسمبر کو اسلام آباد ووٹ کی پرچی کے ذریعے اپنے کپتان کا خیر مقدم کرے گا،بلدیاتی انتخابات میں کامیابی پر تعمیر و ترقی کے نئے دور کی بنیادیں استوار کریں گے۔
اسد عمر کی زیر صدارت اعلیٰ سطحی اجلاس،رہنماوں کو اہم ذمہ داری سونپ دی pic.twitter.com/iBRkOqJ5n0
— AIK News News (@pnnnewspk) December 15, 2022