ایک نیوز نیوز: اوکاڑہ میں ضعیف بیوہ خاتون کو زمین کے تنازع پر رسیوں سے باندھ کر تشدد کا نشانہ بنانے کی فوٹیج وائرل ہو گئی۔
اوکاڑہ کے نواحی قصبے 39 فور ایل کی رہائشی ضعیف بیوہ منیراں بی بی کی جانب سے درج ایف آئی آر کے مطابق زمین کے تنازع پر اسے 9 اگست کو تشدد کا نشانہ بنایا گیا، ملزمان امداد، نواب، خلیل اور نواز نے گھر میں گھس کر رسیوں سے باندھ کر تشدد کا نشانہ بنایا۔
ایف آئی آر کے مطابق خاتون کی بہو اسے بچانے آئی تو ملزمان نے اس پر بھی تشدد کیا جس سے وہ زخمی ہو گئی۔
تشدد کی ویڈیو سوشل میڈیا پر وائرل ہوئی تو پولیس نے متاثرہ خاتون کی مدعیت میں 4 روز بعد ملزمان کے خلاف مقدمہ درج کر لیا، پولیس کے مطابق ملزمان کی گرفتاری کے لیے چھاپے مارے جا رہے ہیں۔
— Punjab Police Official (@OfficialDPRPP) August 14, 2022
دوسری جانب آئی جی پنجاب فیصل شاہکار نے واقعے کا نوٹس لیتے ہوئے ملزمان کی فوری گرفتار ی اور خاتون کو بازیاب کرانے کے احکامات جاری کر دیے تھے۔تاہم اوکاڑہ پولیس نے اس واقعے کا مقدمہ درج کر کے مرکزی ملزم کو فوری گرفتار کرلیا ہے۔ دیگر ملزمان کی گرفتاری کے لیے چھاپے مارے جارہے ہیں۔ آئی جی پنجاب کی خواتین پر تشدد اور ہراسمنٹ کی زیرو ٹالرنس پالیسی ہیں۔