ایک نیوز:صارفین کیلئے اچھی خبر یہ ہے کہ ٹوئٹر میں 10 ہزار حروف پر مشتمل ٹوئٹس پوسٹ کرنا ممکن ہوگیا۔مگراس مقصد کے لیے ٹوئٹر بلیو سبسکرپشن سروس کا رکن بننا ضروری ہوگا۔
کمپنی کی جانب سے بتایا گیا ہے کہ ٹوئٹر بلیو کے صارفین اب ایک ٹوئٹ میں 10 ہزار حروف پر مشتمل تحریر پوسٹ کر سکتے ہیں۔اس کے ساتھ ساتھ یہ صارفین اپنے ٹوئٹس کو بولڈ یا اٹالک ٹیکسٹ سے بھی سجا سکیں گے۔
We’re making improvements to the writing and reading experience on Twitter! Starting today, Twitter now supports Tweets up to 10,000 characters in length, with bold and italic text formatting.
— Twitter Write (@TwitterWrite) April 14, 2023
Sign up for Twitter Blue to access these new features, and apply to enable…
ٹوئٹر کی جانب سے بتایا گیا کہ 14 اپریل سے 10 ہزار حروف پر مشتمل ٹوئٹس بولڈ اور اٹالک ٹیکسٹ فارمیٹنگ کے ساتھ کرنا ممکن ہے، جن تک رسائی ٹوئٹر بلیو صارفین کو دی جائے گی۔
اس سے قبل فروری 2023 میں ہی ٹوئٹر نے ٹوئٹس کے لیے حروف کی تعداد 280 سے بڑھا کر 4 ہزار کر دی تھی، مگر اس وقت بھی یہ سہولت ٹوئٹر بلیو کے صارفین کے لیے متعارف کرائی گئی تھی۔
پہلے ایک ٹوئٹ میں صرف 140 حروف استعمال ہوسکتے تھے، 2017 میں حروف کی تعداد 280 کی گئی تھی۔
ٹوئٹر کی جانب سے اس سبسکرپشن سروس کے لیے پاکستان میں صارفین سے ماہانہ 2250 روپے لیے جائیں گے۔
اس فیچر کا عندیہ ٹوئٹر کے مالک ایلون مسک نے مارچ 2023 میں دیا تھا اور اب اسے متعارف کرا دیا گیا ہے۔