ایک نیوز: بھارتی ریاست آندھرا پردیش کے وزیر اعلیٰ جگن موہن ریڈی کا پوسٹر دیوار سے ہٹانے پر کتے کے خلاف مقدمہ درج کرلیا گیا۔
سوشل میڈیا پر وائرل ہونے والی ویڈیو میں دیکھا جاسکتا ہے کہ وجے وادا شہر کی گلی میں رات کے وقت ایک کتا اپنے دانتوں کی مدد سے چھوٹی سی دیوار پرآندھرا پردیش کے وزیر اعلیٰ جگن موہن ریڈی کے لگے پوسٹر کو ہٹاکر بھاگ جاتا ہے۔
A #TDP leader has filed a case against a #dog for allegedly removing the #poster of #AndhraPradesh CM #jaganMohanReddy .
— Surabhi Tiwari???????? (@surabhi_tiwari_) April 13, 2023
A video has also surfaced in which a dog can be seen removing the poster. The incident took place in #Vijayawada pic.twitter.com/xkIFASvXQp
بھارتی میڈیا رپورٹس کے مطابق تیلگو دیشم پارٹی( ٹی ڈی پی) کے رہنما دساری اُدیا نے آندھرا پردیش کے ضلع انکاپالی کے مقامی پولیس اسٹیشن میں پوسٹر ہٹانے والے کتے کے خلاف شکایت درج کروائی۔
ایف آئی آر میں کہا گیا ہے کہ کتے کی اس حرکت سے وزیر اعلیٰ جگن موہن ریڈی کی بے عزتی ہوئی ہے،جلد سے جلد ملزم کو گرفتار کیا جائے۔
ٹی ڈی پی کے رہنما نے کہا کہ جنہوں نے کتے کو پوسٹر ہٹانے کی ہدایت کی وہ اصل قصور وار ہیں۔