گوجرانوالہ:نامعلوم افرادکی فائرنگ،لیگی رہنمازخمی

ایک نیوز:گوجرانوالہ میں نامعلوم افرادنےلیگی رہنماکےڈیرےپرفائرنگ کردی جس کےنتیجےمیں مقامی رہنماشیخ محمدیعقوب شدیدزخمی ہوگئے۔
تفصیلات کےمطابق گوجرانوالہ میں مسلم لیگ(ن)کے رہنما شیخ محمد یعقوب پر نامعلوم افراد نےفائرنگ کردی۔
ذرائع کےمطابق لیگی رہنماشیخ محمد یعقوب بہلولیہ قلعہ دیدار سنگھ میں اپنےڈیرے پر بیٹھے تھےکہ نامعلوم افراد نے اندھا دھند فائرنگ کر دی،جس کےنتیجےمیں رہنما(ن)لیگ شدیدزخمی ہوگئے، ملزمان فائرنگ کر کے موقع سے فرار ہو گئے، علاقے میں خوف وہراس پھیل گیا ۔
ریسکیوذرائع کےمطابق واقعہ کی اطلاع ملتےہی ریسکیوٹیمیں جائےوقوعہ پرپہنچ گئی اورامدادی کارروائیاں کرتےہوئےلیگی رہنما کو تشویشناک حالت میں ڈی ایچ کیو ہسپتال گوجرانوالہ منتقل کر دیا گیا۔
پولیس کےمطابق حادثےکی اطلاع ملتےہی پولیس کی بھاری نفری موقع واردات پرپہنچ گئی اورتمام شواہداکٹھےکرکےتحقیقات کاآغازکردیاگیاہے۔