ایک نیوز: سکھ مذہب کے بانی بابا گورونانک کے 555 ویں جنم دن کی تقریبات گوردوارہ جنم استھان میں شروع ہوگئیں۔
تین روزہ تقریبات کا آغاز اکھنڈ پاٹ کی رسم سے ہوا، تقریبات میں دنیا بھر اور اندرون ملک سے ہزاروں سکھ یاتریوں نے شرکت کی، سکھ برادری کی پاکستان کی ترقی و سلامتی کیلئے خصوصی دعائیں، تقر یبات میں شریک سکھ یاتری اپنی مذہبی رسومات ادا کریں گے۔
ضلعی انتظامیہ کی طرف سے گودوارہ جنم استھان کو دولہن کی طرح سجادیا گیا ، سکھ یاتریوں کی سہولت کیلئے اٹھارہ محکموں کے دو ہزار سے زائد اہلکارڈیوٹی کے فرائض سر انجام دے رہے ہیں۔
سکھ یاتریوں کی سیکیورٹی کیلئےتین ہزار سے زائد اہلکار تعینات ہیں،سیکیورٹی انتظامات کا جائزہ لینے کے لیے کنٹرول روم بھی قائم کر دیا گیا ہے۔
کیپشن: Baba Guru Nanak's 555th birth anniversary celebrations begin