ویب ڈیسک : پشاور کے علاقے فقیر آباد میں دولہے کے قتل کا ڈراپ سین ہوگیا، اور واردات کی ماسٹر مائنڈ دلہن اور اس کا ساتھی گرفتار ہوگئے۔
پشاور پولیس نے فقیر آباد میں اہم کارروائی کرتے ہوئے چارسدہ روڈ پر دولہا عدنان کے اندھے قتل کا سراغ لگا لیا ہے، اور قتل میں ملوث دلہن اور اس کے ساتھی کو بھی گرفتار کرلیا ہے۔
ایس ایس پی کے مطابق 12 نومبر بروز اتوار پشاور کےعلاقے چار سدہ روڈ پر نامعلوم افراد نے گاڑی پر فائرنگ کردی، جس کے نتیجے میں گاڑی میں سوار دولہا جاں بحق ہوگیا تھا، جس کی تحقیقات کی گئیں تو انکشاف ہوا کہ اس واردات میں دلہن ملزمہ اور اس کا ساتھی جلال شامل ہیں۔
تھانہ فقیر آباد پولیس نے 48 گھنٹوں کے اندر اندر چارسدہ روڈ پر دلہا عدنان ولد عمر دراز کے قتل میں ملوث ملزمان، ماسٹر مائنڈ دلہن اور اس کے اشناء کو گرفتار کرلیا pic.twitter.com/MVIyzWRKaY
— KP Police (@KP_Police1) November 14, 2023
ایس ایس پی نے بتایا کہ ملزمہ کا ملزم جلال کے ساتھ ایک عرصے سے تعلق تھا اور دونوں شادی کرنا چاہتے تھے لیکن گھر والے خلاف تھے، جس پر دونوں نے شادی کے روز دولہے کے قتل کا منصوبہ بنایا اور ملزم جلال نے بارات لے جاتے ہوئے فائرنگ کرکے عدنان کو قتل کردیا۔
پولیس نے ماسٹر مائنڈ دلہن اور اس کے دوست کا سراغ لگایا اور دونوں کو گرفتار کر لیا۔