ایک نیوز: نیپرا جولائی تا ستمبردوہزار تئیس کی ایڈجسٹمنٹ کی درخواست پر آج سماعت کرے گا، منظوری کی صورت میں بجلی صارفین پر 22 ارب 56 کروڑ روپے کا اضافی بوجھ پڑے گا۔
ملک بھر کے بجلی صارفین پر ایک اور بجلی بم گرانے کی تیاری جاری ہے اور سہ ماہی ایڈجسٹمنٹ کے تحت بجلی ایک روپے 70 پیسے فی یونٹ تک مہنگی ہونے کا امکان ہے۔
نیپرا جولائی تا ستمبر2023 کی ایڈجسٹمنٹ کی درخواست پر آج سماعت کرے گا اور منظوری سے بجلی صارفین پر 22 ارب 56 کروڑ روپے کا اضافی بوجھ پڑے گا۔
ڈسکوز کی جانب سے بجلی صارفین پر 22 ارب 56 کروڑ روپے کا اضافی بوجھ ڈالنے کی درخواست ہے، جس میں کیپیسٹی چارجز کی مد میں 12 ارب ، 12 کروڑ 60 لاکھ روپے، یوز آف سسٹم چارجز کے تحت 10 ارب 24 کروڑ 70 لاکھ روپے اور آپریشن اینڈ مینٹیننس کی مد میں 4 ارب 61 کروڑ 70 لاکھ وصولی کی درخواست ہے، جب کہ ڈسکوز نے نقصانات کی مد میں 6 ارب 61 کروڑ 70 لاکھ روپے وصول کرنے کی درخواست کی ہے۔
نیپرا درخواست پر سماعت کے بعد قیمت میں اضافے سے متعلق حتمی فیصلہ کرے گا، اور اس کا اطلاق کے الیکٹرک صارفین پر بھی ہوگا۔