ایک نیوز نیوز: انٹرنیشنل کرکٹ کونسل ٹی ٹوئنٹی ورلڈکپ کا فائنل کھیلنے کے بعد قومی سکواڈ آج رات 10 بجے میلبرن سے براستہ دبئی پاکستان روانہ ہوگا۔
رپورٹس کے مطابق پاکستانی سکواڈ 15 اور 16 نومبر کی درمیانی شب پاکستان پہنچے گا۔ کپتان بابراعظم اور نسیم شاہ لاہور پہنچیں گے، نائب کپتان شاداب خان، حارث رؤف، محمد نواز اور حیدر علی میلبرن سے راولپنڈی پہنچیں گے۔وکٹ کیپر محمد رضوان، محمد وسیم جونیئر، افتخار احمد اور خوشدل شاہ پشاور جبکہ شان مسعود اور فاسٹ باولر شاہنواز دھانی کراچی پہنچیں گے۔
خیال رہے کہ کل میلبرن میں کھیلے گئے ٹی ٹوئنٹی ورلڈکپ کے فائنل میں انگلینڈ نے پاکستان کو 5 وکٹوں سے شکست دی تھی۔