ایک نیوز: واٹس ایپ نے صارفین کے لیے ایک نیا بہترین فیچر متعارف کروا دیاہے۔
رپورٹ کے مطابق یہ فیچر ایسے صارفین کے لیے مددگار ثابت ہوگا جو مخصوص چیٹس کے بار بار آنے والے نوٹیفکیشنز سے پریشان رہتے ہیں۔وٹص ایپ نے نیا فیچر متعارف کروایا ہے جس سے صارفین ان مخصوص چیٹ کو میوٹ کر سکتے ہیں۔ اب صارفین واٹس ایپ اوپن کیے بغیر ہی نوٹیفکیشنز سے چیٹ کو میوٹ کر سکیں گے۔
اس سے قبل کسی چیٹ کو میوٹ کرنے کے لیے واٹس ایپ کو اوپن کرکے مخصوص چیٹ کے آپشن میں جاکر میوٹ کرنا پڑتا تھا۔اس طرح ایک اور حل فون سیٹنگز میں واٹس ایپ کے تمام نوٹیفکیشنز کو میوٹ کرنے کا ہوتا ہے لیکن صارفین کی پریشانی کو مدنظر رکھتے ہوئے واٹس ایپ نے نوٹیفکیشنز میں ہی میوٹ بٹن کا اضافہ کر دیا ہے۔
اس طرح ایپ اوپن کیے بغیر ہی کسی چیٹ کو میوٹ کرنا ممکن ہو جائے گا۔کمپنی نے بتایا کہ نوٹیفکیشنز میں میوٹ بٹن پر کلک کرنے پر چیٹ کے نوٹیفکیشنز موصول ہونا ختم ہو جائیں گے۔یہ فیچر اب تمام اینڈرائیڈ صارفین کو دستیاب ہے۔